RAY C KUSINDIKIZA MISS ILALA 2013

BAADA ya kukaa nje ya gemu la muziki kwa miaka miwili leo usiku mwanamuziki wa kike na asiye na mpizani Rehema Chalamila ‘Ray C’ anatarajiwa kutoa burudani yake katika shindano la kumsaka Redds Miss Ilala 2013 litakalofanyika katika ukumbi wa Diamond Jubilee  Agosti 16 imefahamika. 

Mbali ya Ray C burudani zingine zitatolewa na bendi ya nyumba ya vipaji  (THT), sambamba na wasanii kama Lina, Barnaba na Wanne Star ambaye ni mwanamuziki wa muziki katika miondoko ya asili. 

Akizungumza na waandishi wa habari jana Mratibu wa shindano hilo William Malecela alisema Redds Miss Ilala 2013 ataondoka na kitita cha sh. 1.5 huku mshindi wa pili atapata zawadi y  y ash. mil.1 huku mshindi wa tatu atazawadiwa kiasi cha sh. 700,000. 

Malecela aliongeza kwa kusema kuwa mshindi wan ne atapata kitita cha sh. 400,000 na watano atapata kiasi cha sh. 300,000 na watakaobaki watapata kifuta jasho cha sh.200,000 kila mmoja.

 Redds Miss Ilala ndilo litakuwa shindano la mwisho katika ngazi ya kanda ambapo baada ya kupatikana wawakilishi wake warembo wataingia kambini katika ngazi ya Taifa yaani Redds Miss Tanzania.

Warembo hao ni Natasha  Mohamed (Ukonga), Irene Mwelero (Mzizima), Diana Kato (Ukonga), Doris Mollel (Tabata), Anna Johnson( Mzizima), Kazunde Kitereja (Tabata), Upendo Lema (Tabata), Alice Isack (Dar City Centre), Matha Gewe (Ukonga), Kabula Kibogoti (Tabata), Rehema Mpanda (Mzizima), Jenipher  Kabunga (Tabata), Clara Bayo (Dar City Centre) na Shamimu Mohamed (Mzizima), shindano hilo la kumsaka Miss Ilala  limepangwa kufanyika Agosti 16 katika ukumbi wa Golden Jubilee Dar es Salaam.