CLEOPATRA CASINO YAZINDULIWA KIBAHA

Mstahiki Meya wa Manispaa ya Kibaha Dkt.Nicas Mawazo amezindua Casino ya Kisasa inayofahamika kama  CLEOPATRA  CASINO iliyopo  maeneo ya stendi ya zamani mbele ya  jengo la Kontena. 

Akizungumza katika uzinduzi huo Dkt. Mawazo ambaye amemuwakilisha Mkuu wa Mkoa wa Pwani Stanslaus Nyongo, amewapongeza uongozi wa CLEOPATRA kwa kuongeza ajira kwa vijana ndani ya Manispaa ya Kibaha Mkoani Pwani.

Amesema hawa watu nimuhimu sana katika Mkoa wetu wa Pwani na nchi nzima kwa ujumla sababu wanaleta ajira za uhakika kwa vijana wetu.

Aidha Mstahiki Meya amesema kuwa akiwa meza kuu Mkurugenzi Mtendaji wa CLEOPATRA CASINO Juma Mlali amemweleza kuwa anatamani wapate eneo ili waweze kuwekeza kwa kujenga Kiwanda .

"Niseme ukweli ni kwamba nimefurahishwa na nia njema aliyonayo hivyo nawakaribisha sana ofisini ili tuweze kuelewana zaidi na hata kama hawana pesa sisi tutawakopesha na kuwapa eneo.

"Manispaa ya Kibaha tunataka wawekezaji vijana na wenye maono namna hii tunajivunia kuwa na watu wa namna hii sisi tupo na Mwekezaji yeyote anayetaka kuwekeza aje tunayo Kongami ya Viwanda ,kwa niaba ya Mkuu wa Mkoa wa Pwani Stanslaus Nyongo anasema karibuni Pwani ni tulivu na kuna usalama wa kutosha" amesema Dkt. Nicas.

Dkt.Nicas akicheza ndani ya CLEOPATRA CASINO  mara baada ya uzinduzi. 

baada ya uzinduzi huo Mkurugenzi Mtendaji wa CLEOPATRA amesema kuwa wanajivunia kwa kutoa ajira kwa vijana wengi katika mikoa yote nchini .

"Tuna matawi nchi nzima nantumetoa ajira 400 na kwa upande wa uwekezaji tutaanza kujenga Kiwanda cha vinywaji mbalimbali" amesema Mlali.

Naibu Mkurugenzi Mtendaji wa CLEOPATRA  Asha Simba  akizungumza  katika hafla ya uziduzi wa Casino  hiyo. 

Mstahiki Meya  wa Manispaa ya Kibaha Dkt.  Nicas akimpa mkono wa pongezi  Naibu Mkurugenzi wa CLEOPATRA  Asha Simba.