MSHINDI WA SHINDANO LA BIG BROTHER AFRICA HOT SHOTS IDRIS ATOA SOMO KWA WASANII NCHINI

MSHINDI wa shindano la Big Brother Africa Hot Shots ,Idriss Sultan  amewataka wasanii  kutokubali kutumika  na badala yake wajitambue ili kulinda hadhi yao.

Idrissaliyasema hayo jana Jijini Dar es Salaam ambapo pia amewataka wasanii wa hapa nchini wajenge tabia ya kuwa na mikataba katika kazi wanazozifanya ili kuweza kulinda maslahi yao ya kazi kwa ujumla.

“Wasanii  wengi hapa nchini hawana  ufahamu juu ya umuhimu wa  utaratibu wa kusainisha mikataba mapromota ambao wakati mwingine huwaacha kwenye mataa na kuwaacha wakibwabwaja” alisema Sultan.

Kwa mujibu wa Sultan pia ametia msisitizo wasanii hao wawe na Mawakili ambao watakuwa wakiwasaidia katika kazi zao.

Hadi hivi sasa ni wasanii wawili tu ambao ndiyo wenye mikataba na mawakili ambao ni Ambwene Yesaya ‘AY’ na Khamis Mwinjuma ‘MwanaFA’.