ASHA BARAKA.
UTANGULIZI
Iliripotiwa kupitia vyombo vingi vya habari kuwa nilianguka
ghafla na kupoteza fahamu nilipokuwa nikishiriki
katika uchaguzi wa C.C.M katika ngazi ya Wilaya mpya ya Uvinza Mkoani Kigoma.
Mara baada ya kutangazwa kwa habari zile, ziliniletea
usumbufu mkubwa kwangu mimi mwenyewe pamoja na ndugu zangu wa karibu kwa
kupokea simu mara kwa mara zilizokuwa zikitaka kujua ukweli wa taarifa.
UKWELI ULIVYO.
Nlichukua fomu kwa ajili ya kugombea Ujumbe wa NEC ya
C.CM kupitia Wilaya mpya ya Uvinza iliyoko Mkoani Kigoma. Mara baada ya kipindi
cha Kampeni kumalizika, ilifika wakati wa uchaguzi ambao ulifanyika siku ya
Jumapili tarehe 30-09-2012.
Mara baada ya kumalizika kwa taratibu zote za uchaguzi
ulifika wakati wa kupokea matokeo, wakati taratibu za upokeaji matokeo
zikiendelea, nilianza kuhisi dalili ya PUMU (ATHMA) kunizidia kutokana na
kukosa hewa kulikosababishwa na udogo wa chumba kilichokuwa kikitumika kwa
ajili ya shughuli hiyo, nilimuomba Msimamizi wa Uchaguzi ruhusa ya kutoka nje
ili nipate nafasi ya kupata hewa nzuri lakini Msimamizi wa Uchaguzi kwa vigezo
vya taratibu za uchaguzi wa C.C.M na kutokujua kama ni mwenye matatizo ya PUMU
alinikatalia kutoka nje ya chumba.
Mara baada ya kukataliwa nilitii maamuzi ya
msimamizi na kuendelea kuivumilia hali
ile mpaka ilipokuwa mbaya kabisa nilimuomba tena msimamizi ili nitoke nje na
alinikubalia.
nilipotoka nje nilijilaza chini kwa kukosa nguvu na kwa
kuwa nje palikuwa na watu wengi walidhani nimezidiwa basi kila mtu alianza
kutaka kunipa huduma ya kwanza wapo walionivua viatu, wapo walionimwagia maji
na wapo pia waliokuwa wakinipepea.
nilipoona hali ya taharuki imezidi ndipo nilipomuomba
Mheshimiwa Mkuu wa Wilaya ya Uvinza Mhe. Fatuma Nyembo usafiri ili nikachome sindano ya kutuliza PUMU ambayo ilianza kunizidia.
Mara baada ya kuchoma sindano nilirejea katika hali
yangu ya kawaida kama hapo awali. Ikumbukwe maradhi ya PUMU yamekuwa yakiniandama
kwa muda mrefu sasa takribani kwa miaka 13. Mara zote huwa inanizidia lakini
nimekuwa nikichoma sindano na kurejea katika hali yangu ya kawaida.
Pia hali ya pumu kunizidia ilikuwa ni mara baada ya
shuguli nyingi za kichaguzi za ndani ya C.C.M kumalizika na kuibuka mshindi wa
kwanza kwa kujizolea kura 322 huku nikimwacha mbali mpinzani wangu JOSEPHINE
NAWEZA aliyepata kura 210.
Kutokana na ushindi huo mimi sasa hivi ni mjumbe wa NEC
kupitia wilaya ya Uvinza yenye tarafa za Nguruka, Uvinza, Malagarasi, Sunuka,
Kazuramimba, Kandaga, Ilagara, Igalula, Sigunga, Bihungi, Kalya, Mtego wa Mti,
Mganza na Itebula.
MWISHO NA HITIMISHO.
Napenda kutoa ahsante kwa wale wote walioguswa na mpaka
kunitafuta kwa njia moja au nyingine kutokana na habari hii na kuwajulisha kuwa
mimi nipo imara kabisa na ninaendelea na shughuli zangu kama kawaida na kwa
sasa nipo bado Kigoma.
AHSANTENI
ASHA BARAKA (MNEC)
MKURUGENZI WA ASET.
.jpg)
0 Comments