ALLY KIBA AKANA KUANDAA ZOMEAZOMEA KWA DIAMOND PLATINUMZ

MSANII nyota wa muziki wa kizazi kipya Ally Kiba amefunguka kuhusu tuhuma zinazopelekwa kwake moja kwa moja kwamba ndiye kinara wa zomeazomea nafujo anazofanyiwa Naseeb Abdul ‘Diamond Platinumz’.

Kusema kweli mimi sihusiki na shutuma hizo dhidi yangu siyo za kweli mimi kama msanii nina mambo mengi ya kufanya lakini siyo kumuundia genge Diamond  la kumzomea na kurushia chupa.

Hayo yalisema na Kiba alipozungumza na mwandishi wa habari hii Jijini Dar es Salaam katika mahojiano maalum.

“Unajua mashabiki wana mambo yao lakini binafsi sipendi kusikia wala kuona Diamond anadhalilishwa kwenye majukwaa” alisema Kiba.

Aliongeza kwa kusema kuwa hafurahishwi kabisa kuona hali ya msanii kudhalilishwa huku akikumbushia katika tamasha la Tigo lililofanyika Januari 25 kwenye uwanja wa Leaders Club ambapo Diamond alirushiwa chupa zenye haja ndogo jukwaani akaanguka akazomewa pia.

Kiba alitoa rai kwa mashabiki kuwacha kabisa mtindo huo kama wanampenda wampende tu lakini siyo kumfanyia fujo Diamond.

“Mimi sina team Kiba nasikia tu sababu siwezi kuka chini msanii mkubwa kama mimi halafu nikapanga fujo badala ya burudani “alisema Kiba.

Kuzomewa kwa diamond katika tamasha hilo la tigo ni mara ya pili kwani mara ya kwanza alizomewa katika tamasha la Fiesta mwaka jana  liliofanyika kwenye uwanja huohuo wa Leaders Club.