JESHI LA POLISI LINAWASHIKILIA WATU WATATU KUFUATIA MAUAJI YA HAN BING

Baadhi ya ndugu wa Marehemu Han Bin wakilia kwa uchungu katika msiba wake jana.

JESHI la polisi linawashikilia watu watatu wanaodaiwa kuhusika na mauaji ya mfanyabiashara mwenye asili ya kichina Han Bing alIyechomwamoto katika makaburi ya Mabaniani  yaliyopo eneo la Mikocheni Jijini Dar es Salaam jana.

Akizungumza na waandishi wa habari jijini Dar es Salaam  leo mchana Kamanda wa Kanda Maalum ya Dar es Salaam, DCP Suleiman Kova alisema kuwa watu hao ambao hakuwataja majina wanashikiliwa na jeshi hilo kwa mahojiano zaidi.

“Tumewakamata watu watatu ambao wanaukaribu na mama huyo na watahojiwa na Polisi huku uchunguzi mwingine ukiendelea zaidi,” alisema Kova.