KUTOKA KUSHOTO NI MENEJA WA LABEL YA MAISHA KWAME MCHAURU ANAYEFUATA NI KAROLA KINASHA NA HARDMAD
Uzinduzi wa albamu ya Maisha Lounge Vol 1 umepangwa kufanyika Ijumaa Iktoba 22 kuanzia saa 12 jioni hadi saa 3 usiku katika ukumbi wa Waterfront zamani ulifahamika kwa jina la Mashua uliopo katika Hoteli ya Sleepway Masaki Jijini Dar es Salaam.
Akizungumza leo asubuhi katika mkutano na waandishi wa habari Kwame Mchauru ambaye ni Meneja wa Label ya Maisha Music alisema, albamu hii ni toleo la kwanza katika mtiririko wa matokeo mengine mbalimbali yanayotarajiwa kuandaliwa katika siku zijazo. Albamu hii ni mchanganyiko wa nyimbo tofauti na tulivu ambazo zimerekodiwa kwa vionjo vya ki- elektroniki na kuchanganywa na ladha za ala za asili za Kitanzania kama vile Ngoma, Zeze, Chalimba na Marimba. Pia albamu hii imeshirikisha wasanii wa staili tofauti tofauti ili kufanya mseto wenye kukidhi hisia za walio wengi.
Lounge ni aina ya muziki wa taratibu ambao unatumika katika maeneo mengi duniani hususan katika mahoteli makubwa na hata katika baadhi ya maofisi.Ni aina ya muziki ambao huweza kukufariji na kukusaidia katika kuleta utulivu wa mwili na mawazo.
Baada ya kuona kuwa aina ya muziki wa Lounge unaotumika hapa nchini Tanzania ni ule unaotoka katika mataifa mengine, ndipo wazo la kurekodi albamu hii likazaliwa.Hii ni kwa kutaka nasi pia tuwe na aina inayopigwa na kuimbwa katika mahadhi tutakayojifananisha nayo kwa karibu.
Albamu hii imerekodiwa katika Studio za 41 Records na Maisha Studio chini ya Produza Jacob Poll na kuboreshwa na nchini Denmark katika Studio za C4 pamoja na Red Red.Kazi hii imefanyika chini ya usimamizi wa Kampuni ya Maisha ya hapa Dar es Salaam.
Wasanii walioshirki katika albamu hii ni pamoja na Ray C, Bi Shakila, Lord Eyes, Misoji Nkwabi, Hardmad, Carola Kinasha, Fid Q na Lufu.
Uzinduzi huu umedhaminiwa na Waterfront, Miller, Michuzi Blog na 41 Records.
Msanii Hardmad ambaye ameshiriki vyema katika albamu hiyo ya muziki wa Lounge Vol1.
Mama wa muziki wa asili Krola Kinasha yeye anasema Watanzania tumechelewa hivyo tuamke sasa katika soko la muziki tutumie ala 40 za makabila mbalimbali kwa kujitangaza Kimnataifa."Tuna ala karibu 40 lakini tumewaacha wenzetu Afrika Magharibi wakijinadi na kujitangaza vyema kwa kupitia ala chache walizo nazo, hatujachelewa tuamke sasa.Ni fedheha kwa kila Mtanzania anapokuwa katika maduka makubwa na hata katika viwanja vyetu vya Ndege kusikia muziki wenye ala kutoka nchi zingine.Muziki huu unanafasi kubwa lakini hapa kwetu hatuna aina hii ya muziki kwani siyo lazima kila muziki mtu acheze kusikiliza peke yake inatosha hivyo wasanii wajitokeze katika kutafuta muziki wa asili ya Watanzania" anasema Kinasha.
Jacob huyu ndiye mpango mzima wa maandalizi ya Lounge Music ambapo aliuchakachua ipasavyo hivyo wadau mjitokeze Ijumaa na kupata ladha, sisi wanahabari tukapewa CD, ni nzuri na haichoshi kusikiliza.
0 Comments