TGNP Mtandao kwa
kushirikiana na Mtandao wa Maji na wanawake nchini umeandaa warsha ya siku moja
pamoja na kongamano la maji yanayolenga kuimarisha uelewa wa wanaharakati na
wananchi kwa ujumla juu ya masuala ya maji na hivyo kuendelea kudai haki ya
maji kwa wananchi wote. Hayo yanafanyika kwa kipindi hiki kutumia uchaguzi mkuu
kama fursa ya kuendeleza ajenda ya kudai haki ya upatikanaji wa huduma ya maji
kwa jamii ya kitanzania, kwa makundi yote yaliyoko mijini na vijijini.
SIKU
YA KWANZA 18/08/2015
Hii ilikuwa siku
mahsusi kwaajili ya warsha ambapo washiriki kutoka Mtandao wa maji na wanawake
nchini hususani kutoka mikoa ya Pwani, Dar es salaam, Kilimanjaro,……….wwalipata
nafasi ya kujifunza, kubadilishana uzoefu, kujadilianan na kuweka mikakati
madhubuti ya kubeba ajenda ya maji hasa wakati huu wa uchaguzi. Washiriki hao
ni pamoja na vopngozi wa dini, wanaharakati ngazi ya jamii na taifa, waandishi
wa habari pamoja na asasi za kiraia zinazopigania haki za binadamu.
SIKU
YA PILI 19/08/2015
Siku hii ni ya mjadala
wa wazi, kushirikisha uma kwa upana na kuutabanaisha umma juu ya tatizo la maji
na umuhimu wa kudai haki yao ya msingi wa huduma ya maji. Badala ya kujadili tu
siasa, hii itakuwa nafasi mahsusi ya kuhusisha uchaguzi na matatizo
yanayowakabili wananchi wengi. Siku hii ni mahsusi katika kuzindua kampeni yetu
ya maji “Tua Ndoo kichwani, Kura yangu
Mustakabali Wangu”. Hii ni kampeni inayolenga kutumia fursa ya uchaguzi
katika kuchochea mabadiliko katika sekta ya maji na hivyo kumwondolea mwanamke
adha na mzigo wa maji pamoja na mizigo mingine ambatani inayotokana na mifumo
kandamizi ya utoaji huduma za kijamii.
HALI
YA UPATIKANAJI WA HUDUMA YA MAJI NCHINI
ž Tanzania
ni nchi kubwa katika Afrika Mashariki, yenye zaidi yawatu milioni 45.
ž Licha
ya uwepo wa vyanzo vingi vya maji nchni, zaidi ya watanzania milioni 14
hawapati maji safi na salama. Hii inamaanisha kuwa watu hawa wanalazimika
kunywa maji machafu kutoka katika vyanzo visivyokuwa salama. Inadi kubwa ya
watu hawa huishi maeneo ya vijijini.
ž Zaidi
ya watoto 7,000 hufariki kila mwaka kwa sababu ya ugonjwa wa kuhara unaoletwa
na mazingira machafu na ukosekanaji wa huduma ya maji
ž Karibu
watu milioni 27 wanaishi katika mazingira yasiyo safi
Kwa ujumla makundi
yanayoathirika zaidi kutokana na upungufu mkubwa wa maji ni pamoja na wanawake,
wanafunzi hasa wa kike, watoto, wazee na walemavu. Hivyo, kwa kupitia kampeni
yetu ya maji “Tua ndoo kichwani, kura yangu mustakabali wangu” tunaamini kuwa
imefika wakati wa kumtua mwanamke ndoo ya maji kichwani pamoja na kumtua mizigo
mingine anayobebeshwa mwanamke katika jamii na nchi yetu hivyo kuleta usawa wa
kijinsia. Tunaamini tatizo la maji likiondolewa linaweza kuondoa matatizo
mengine yanayoikumba jamii ikiwa ni pamoja na ukatili wa kijinsia ambao
unaambatana na matatozo ya maji, mimba za utotoni, utoro mashuleni hasa kwa
wanafunzi wa kike ambao katika maeneo mengi hushindwa kuhudhuria masomo
kutokana na ukosefu wa huduma ya maji hasa wakati wakiwa katika siku zao za
mwezi, pamoja na utatuzi wa kero za upatikanaji wa maji katika taasisi za afya
kama vile zahanati, vituo vya afya na hosipitali.
Kutokana na idadi kubwa
ya wananchi kukumbwa na tatizo hilo la maji, ni dhahiri kuwa wapo wapiga kura
wengi wanaoathiriwa na kadhia hiyo. Tunaamini kua vyama na wagombea wa vyama
mbalimbali watalifanya suala hili kuwa ajenda kubwa inayohitaji mikakati
inayotekelezeka hivyo kutatua kero ya maji nchini.
Hivyo ni wito wetu kwa
wanasiasa nchini kuwatua ndoo kichwani wananchi hasa wanawake badala ya
kuwatwisha. Tunawaomba wananchi, vyombo vya habari pamoja na wadau wengine
watuunge mkono katika kuleta mabadiliko.
.jpg)
.jpg)
0 Comments