Malkia akimvalisha jezi mmoja ya watoto wanaolelelewa kituoni hapo
Baadhi ya watoto wanaolelewa kwenye kituo cha Umra wakiwa wamevalia jezi za Simba baada ya kukabidhiwa na Malkia wa Nyuki
MFADHILI wa timu ya
soka ya Simba Rahma Al Kharous ‘Malkia wa Nyuki’, ameanza mikakati ya kuandaa
wachezaji chipukizi ikiwa ni sehemu ya
mkakati wa timu ya Simba kuanza kutayarisha hazina ya wachezaji wa baadaye.
Tukio hilo lilifanyika juzi kwenye kituo cha kulelea watoto yatima
cha Umra kilichopo Magomeni Mikumi jijini Dar es Salaam alipokwenda kukabidhi
vifaa vya michezo pamoja na mahitaji mengine ya kibinadamu ikiwemo mchele,
mafuta, sukari, sabuni, unga sambamba na kula pamoja na watoto hao chakula
alichoandaa kwa ajili yao.
Akizungumza katika hafla hiyo, Al Kharous ambaye pia ni
Makamu Mwenyekiti wa Kamati ya Ushindi ya
Simba alisema ameamua kuwapelekea jezi hizo ili kuanza kuwahamasisha
mapema watoto hao kuipenda michezo na zaidi klabu ya Simba.
“Nimefanya hivi ili kuunga mkono kauli ya Rais wetu Jakaya
Kikwete wa kuanza kuwekeza katika timu za watoto, napenda watoto muipende Simba
ili mje kuichezea mtakapokuwa wakubwa na hatimaye kupata nafasi ya kuichezea
pia timu yetu ya Taifa,”alisema
Malkia ambaye jezi alizokabidhi kwa mbele ziliandikwa I Love
Simba FC na kwa nyuma ziliandikwa Malkia , aliongeza kwamba viongozi wa Simba
wako makini katika mkakati wa kuanza msingi wa kuandaa wachezaji chipukizi kwa
ajili ya manufaa ya timu yao katika siku za usoni.
“Huu ni mkakati tuliojiwekea na hatutaishia hapa, kwani
tumedhamiria kufanya mambo makubwa katika mkakati huu wa kuandaa wachezaji
kuanzia hatua za chini na kisha mambo mengine yatafuata,”aliongeza
Aidha, Malkia alisema kwa sasa wanataka kufanya kazi za
kijamii zaidi ili watu na hasa watoto waifahamu zaidi Simba kuwa ni timu ya
kuendeleza soka na si malumbano.
Mbali na hayo, Malkia alisema jukumu la kulea ama kusaidia
watoto yatima ni la kila mtu na si kwa watu wenye fedha tu, hivyo amehimiza watu
wengine kujitokeza kusaidia kwani kwa kufanya hivyo watapata thawabu kutoka kwa
mwenyezi mungu.
“Hakuna mtu anayependa kuwa yatima, mimi nilimpoteza mama
yangu mzazi nikiwa mtoto mdogo lakini sikukata tamaa mpaka nikafikia hapa
ambapo nina uwezo wa kutosha na hivyo natumia nilichonacho kuwasaidia na
wengine kama ninyi,”alisema
“Msijisikie unyonge kwa kuwa yatima muombeni mwenyezi mungu
na kujituma bila kuchoka, naamini ipo siku mtakuwa watu fulani katika jamii
yetu,”aliongeza
Aidha, Malkia aliahidi kuhakikisha anasaidia kumalizi ujenzi
wa kituo cha watoto hao kilichopo Mbezi Msakuzi na kusema atalifanya hilo kwa uharaka zaidi
ili kuwawezesha watoto hao kuishi sehemu itakayowapa na nafasi ya kutosha, pia
kuwezesha uongozi kuepukana na masuala ya kodi ya pango la nyumba.
“Nitakuwa pamoja nanyi katika kulitekeleza hili, naamini
mkiwa na sehemu yenu itakuwa vizuri zaidi kupunguza gharama za ziada, pia
watoto watapata nafasi ya kutosha,”aliongeza.
Awali, akisoma risala ya kituo hicho, mmoja ya watoto
wanaolelewa katika kituo hicho, Ashraf Muzamil alisema kwamba, kituo hicho
kilianzishwa mwaka 2003 kikiwa na watoto saba lakini mpka sasa kina watoto 67.
Alisema, kituo hicho kimekuwa mstari wa mbele kuwasaidia watoto yatima kujiepusha na mambo
maovu yakiwemo ulevi, uvutaji bangi na mengineyo yasiyofaa.
Hata hivyo, Ashraf alisema kituo hicho kinakabiliwa na
changamoto mbalimbali ikiwemo ukosefu wa mavazi, ada kwa watoto wanaosoma,
malazi n.k, hivyo uongozi umekuwa ukihangaika kutafuta wafadhili ili kusaidia.
Ashraf pia alimshukuru Malkia kwa kuwatembea kituoni hapo
pamoja na kutoa misaada ya hali mali,
huku akimtakia maisha marefu zaidi ZAID TEMBELEA http://dinaismail.blogspot.com/
.jpeg)
.jpg)
0 Comments