KIMWANA WA TWANGA TWANGA KUZAWADIWA DUKA LA VIPODOZI

Kutoka kushoto aliyekuwa mshindi wa pili wa shindano la Kimwana Husta, Kiongozi wa bendi ya Twnaga Pepeta Luiza Mbutu Mratibu wa shindano Maimatha Jesse na wawakilishi kutoka kituo cha EATV.

KAMPUNI ya Manywele kwa kushirikiana na The African Stars Entertainment jana wamezindua rasmi shindano la kumsaka Kimwana wa Twanga 2011. Mratibu wa shindano hilo Maimatha Jesse amesema kwamba baada ya kuzindua rasmi fomu za kushiriki zinapatikana katikia ofisi za Manywele Kinondoni Manyaya, ASET na Steers Jijini Dar es Salaam pia kila bendi ya Twanga itakapokuwa ikifanya maonyesho fomu za kushiriki zitatolewa. Aidha wakati huohuo Maimatha alisema mshindi wa shindano hilo ambalo litatambulishwa Mei 6 katika ukumbi wa Club Sunciro Sinza Dar es Salaam. Aidha mshindi kwenye shindano hilo atapata zawadi ya kufunguliwa duka la vipodozi lenye thamani ya sh. Milioni 5. “Tumeamua kutoa zawadi ya kumwezesha mshindi kwa sababu tumeona zawadi ya gari haifai kwani wengi hushindwa kuihudumia jinsi inavyo paswa na mifano tunayo kwani mshindi wa Kimwana wa Manywele anayemaliza muda wake Halima gari lilimshinda mara baada ya kuligonga” alisema Maimatha. Katika onyesho hilo la kuwatambulisha msanii aliyetia for a kwenye tuzo za muziki 20% atasindikiza pamoja na bendi ya Twanga.