MAJI YA DAFU ,SUPU YA PWEZA KUNOGESHA COAST CITY MARATHON

Balozi  wa  mbio za Coast City Marathon Twaha Ambiere  akifafanua  jambo wakati wa uzinduzi  wa mbio hizo  zitakazofanyika tarehe 30Novemba ,2024 Kibaha Mkoani Pwani.

Mwakilishi  wa Mkurugenzi wa Halmashauri ya Mji Kibaha Theresia Everist Kyara  ambaye alikua mgeni rasmi kwenye uzinduzi huo alifafanua jambo kuhusu mbio hizo.

Mwakilishi kutoka Hospitali ya Rufaa Tumbi Mkoa wa Pwani Judith Mwinuka akielezea namna watakavyo shiriki kwenye mbio hizo za 'Coast City Marathon '.ikiwa ni pamoja na kutoa huduma za afya .

 

Mwinuka amesema kuwa wanatoa ahadi ya kushiriki kwa wingi sambamba  na kutoka huduma za afya kwa washiriki  kama ilivyokua kwenye msimu uliopita.

Kutoka kushoto  ni Mwakilishi wa Tigo Omary Hamza, Mwenyekiti wa Kamati ya Maandalizi ya mbio hizo Dkt Frank Mhamba na Mwakilishi wa Mkurugenzi wa Halmashauri ya Mji Kibaha Theresia Everist Kyara walipozungumza na waandishi wa habari hawapo pichani  leo tarehe 11 Novemba, 2024.

Balozi wa mbio  hizo Twaha Ambiere  akizungumza kwenye uzinduzi  huo uliofanyika  leo tarehe 11 Novemba ,2024 Kibaha Mkoani Pwani. 

Balozi wa mbio hizo    hizo Twaha Ambiere amesema kuwa kutakua na mbio za watoto 2.5Km 5Km,10Km,15 Km na 21Km pia amesisitiza usajili ni  kiasi cha  35, 000 kwa kila mmoja ambapo mshiriki atapata medali  ,fulana  pamoja na riboni ya mkononi.

Amesema kwa mbio hizo za Coast City Marathon zinafanyika  kwa mara ya tatu sasa huku zikiwa zinachagiza   kukuza sekta ya michezo na kuunga mkono juhudi za Serikali katika kutatua changamoto mbalimbali kwenye jamii.

Ambiere, ametoa hamasa  kwa wadau  kujitokeza kwa wingi  kujisajili ili waweze kushiriki kikamilifu.

Mbio hizo zimedhaminiwa na CRDB, NSSF, TIGO, DAVISA &SHIRT LIFE na wengine wengi.

Kutoka kushoto Mwakilishi wa Mkurugenzi wa Halmashauri ya Mji Kibaha Theresia Everist Kyara  akikabidhiwa jezi na Mwenyekiti wa Kamati ya Maandalizi ya mbio za Coast City Marathon Dkt.Frank Mhamba kwenye uzinduzi uliofanyika leo tarehe 11 Novemba 2024 Kibaha ,Mkoani Pwani

Kibaha,Pwani

Ikiwa imezoeleka kuwa kwenye  mbio kunakua na vituo vya kutoa maji ya kunywa kwa wakimbiaji imekua tofauti kwa waratibu wa  Coast City Marathon wamesema  kuwa wao  watatoa maji ya dafu na supu ya pweza.

Katika  maboresho ya mbio  za  mwaka huu Coast City Marathon  tumeamua kunogesha kwa kuwa na vituo vitakavyokua vinatoa maji ya madafu  na supu ya pweza kwa wakimbiaji   ikiwa ni katika kuenzi  utamaduni wa Mkoa wa Pwani.

Akizungumza na Waandishi wa Habari  leo ya taehe  11, Novemba 2024 kwenye  uzinduzi  rasmi wa mbio hizo Mwenyekiti  wa Kamati  ya Maandalizi  ya mbio hizo Dkt. Frank Mhamba amesema kuwa mbio hizo zitafanyika Novemba 30 mwaka huu.

Akizungumza kwa niaba ya Mkurugenzi wa Halmashauri ya Mji Kibaha Theresia Everist Kyara amesema kuwa  wote tunafahamu kuwa serikali yetu inatumia fedha nyingi katika kupambana na magonjwa yasiyo ambukiza  hivyo natoa wito kwa wananchi wote wa Kibaha  na amaeneo jirani na Mkoa wa Pwani kujitokeza kwa wingi kushiriki kwenye mbio hizi na kuwa na utamaduni  wa kufanya mazoezi.

Kyara amesema kuwa kiasi cha  fedha zitakazopatikana zitakwenda kuboresha  miundombinu  ya Shule ya Msingi Pangani  kwa kujenga jengo la Utawala ambapo shule hiyo  ipo Wilayani Kibaha Mkoani Pwani.