Wazalendo wenzangu,
Naomba nichukue fursa hii kuwapa pole wote kwa namna moja au nyingine kutokana na maafa yaliyosababishwa na mvua hizi zinazoendelea katika jiji la Dar es Salaam na maeneo mengine ya nchi yetu.
Ni dhahiri kuwa waliothirika ni wengi na hivyo basi watakuwa na mahitaji muhimu ya dharura . Hivyo basi ni wakati wa kusaidiana na kufarijiana , pale unapoweza basi msaidie mwenzako aliyeathirika.
Naomba nichukue fursa hii kuwaomba wote wenye nia ya kuchangia waliothirika na maafa haya basi wawasiliane na TPN Staff Miss. Anna Machanga machangaanna@yahoo.com, 0652 945422 ; na Mr. ASED KIPEPE: sdkipepe@gmail.com, 0716 898685 . Michango inayopokelewa ni fedha taslimu au hundi, vifaa vya nyumbani, vyakula, vinywaji, nguo mpya na zilizotumika n.k.
Kama unataka kuchangia kwa M-Pesa , Tigo Pesa, Airtel Money etc wasiliana na Mr. Gervas Lufingo +255 (0784/0767/0658) 48 25 97 : nasemaasante@yahoo.com
Wafanyakazi hao wa TPN watakufuata ulipo na kupokea mchango wako na kukabidhi risiti.
Michango yote itakayopatikana itawekwa hadhani na itawasilishwa kwa Mkuu wa Mkoa wa DSM, Mhe. Mecky Sadik kwa ajili ya kufikishwa kwa waathirika.
Kutoa ni Moyo na wala si utajiri.
Nachukua fursa hii kuwatakia wote siku kuu njema ya Krismas kwa wale wanaosherehekea, mapumziko mema ya mwisho wa mwaka na pia nawatakia wote mwaka mpya mwema na wenye mafanikio tele.
Mungu ibariki Afrika, Mungu ibariki Tanzania, Mungu awabariki wote.
Phares Magesa
Rais- TPN
.jpg)
0 Comments