CHADEMA WATUMA SALAMU ZA POLE KWA MSIBA WA FIVE STAR

Waziri Kivuli Habari, Vijana, Utamaduni na Michezo Joseph O. Mbilinyi.

TAARIFA KWA UMMA

Chama Cha Demokrasia na Maendeleo (CHADEMA) tumepokea kwa uchungu na majonzi makubwa kwa msiba ambao Taifa limepoteza wasanii wa kikundi cha taarab Five Stars.
Ni huzuni kubwa kwangu binafsi kama mmoja wa wasanii hapa nchini na kama Waziri Kivuli wa Habari, Vijana, Utamaduni na Michezo.

Tunaomba ndugu, marafiki , mashabiki na wapenzi wa muziki wa taarabu pamoja na familia za wafiwa wawe na moyo wa uvumilivu na subira katika kipindi kiki cha huzuni kubwa.

Mungu azilaze pema peponi roho za marehemu hao.Amin.