NEW VICTORIA BAND KUZINDULIWA OKTOBA

Baadhi ya wanamuziki wa  bendi ya New Victoria  wakionesha  umahiri wao mbele wa

 KUTOKA kushoto ni Kiongozi wa bendi hiyo ya Newa Victoria Jonas  Mnembuka aliyekaa katikati ni mmiliki wa bendi  ghiyi Daniel Denga na aliyeketi kulia ni mwanamuziki mkongwe nchini Adolph Mbinga.

NA BONGOWEEKEND BLOG

BENDI mpya ya muziki wa dansi New Victoria inatarajiwa kuzinduliwa rasmi Oktoba 4 mwaka huu ikisindikizwan na malkia wa mipasho Khadija kopa pamoja na bendi ya Malaika Music.

Akizungumza na waandishi wa habari jana jijini Dar es Salaam, mkurugenzi wa bendi hiyo Daniel Denga alisema kuwa ulizinduzi huo unafanyika baada ya kuikarabati mpya ikiwa ina sura mpya zikiwamo za akina Adolf Mbinga ambaye anajulikana sana kwa kibao chake cha Neema alichotunga akiwa na kundi la Diamond Sound.

Mbali na Mbinga wanamuziki wengine mahiri waliotua katika kundi hilo ni pamoja na Karama Legesu, Eddo Sanga, Shabani Lendi na Hamza Waninga.

Mbinga ametunga vibao vya Safari ya Victoria na kile cha Uke Wenzake, ambavyo ni moto wa kuotea mbali.

Tayari kundi hilo limerekodi vibao vinne, ambavyo ni pamoja na Uonevu, Tizama Mbele, Jojoo na  Mke Mwenza.

Awali kundi hilo liliibuka upya mwaka 2012 lilipokuwa chini ya Prince Muumin Mwinjuma kabla ya kuwa chini ya Waziri Sonyo na sasa linaongozwa na Jonas Mnembuka anayesaidiwa na Mbinga ambaye pia ndiye kiongozi wa jukwaa.

Denga alisema kuwa wameamua kulisuka upya kundi hilo baada ya lile la awali lililokuwa likiongoza na Prince Muumin Mwinjuma kushindwa kung’ara licha ya kupewa kila kitu.