PREZZO AMFUNIKA DIAMOND TAMASHA LA MATUMAINI

Na Clezencia Tryphone

MKALI wa Muziki wa Kizazi kipya kutoka nchini Kenya, Jackson Makini Prezzo juzi usiku alimfunika kwenye Stage mkali wa muziki huo hapa nchini Naseeb Abdul ‘Daimond’ mara baada ya mashabiki kumshangilia kwa kasi.

Prezo alipanda jukwaani katika Tamasha la Matumaini lilofanyika katika uwanja wa Taifa Dar es Salaam na kuimba zaidi ya nyimbo zake kali tatu huku akiwanyanyua vitini mashabiki waliofurika katika uwanja huo.

Mara baada ya Prezzo kumaliza kuimba Daimond alipanda jukwaani na watu kuanza kuondoka pale tu alipoanza kuimba wimbo wake wa kwanza Nimpende nani huku wakiondoka na kusema ‘Mpende Wema’.

Licha ya mashabiki kuanza kuondoka wakati mkali huyo akiwa jukwaani alijikuta akiimba wimbo wa msanii mwenzie wa Muziki Gani alioshirikishwa na Makali wa Hip hop nchini Ney wa Mitego na kuwafanya mashabiki kutomuelewa kabisa.