MASHAUZI CLASSIC KUKONGA NYOYO TRAVERNTINE MAGOMENI IDD MOSI

Pichani ni Mkurugenzi wa Mashauzi Classic Isha Makongo akiwa na Naibu Mkurugenzi ambaye pia ni mama yake mzazi Bi Rukia Ramadhani ambaye pia ni mwajiriwa wa bendi ya TOT.

MBUNGE wa Kinondoni Iddi Azzan anatarajiwa kuwa mgeni rasmi katika onyesho la uzinduzi wa bendi mpya ya muziki wa taarab ya Mashauzi Classic, uzinduzi utakaofanyika siku ya Iddi Mosi katika hoteli ya Travetine.Bendi hiyo inayotarajiwa kutikisa katika medani ya muziki huo inamilikiwa na mkali wa mindoko hiyo Isha Ramadhan 'Mamaa Mashauzi', ambapo mbali na uzinduzi wa kundi hilo, pia watazindua albamu yao inayokwenda kwa jina la 'Nani Kama Mama'.

Mama Isha hapa akifafanua kwamba yeye atakuwa bega kwa bega na bintiye Isha katika bendi mpya ya Mashauzi Classic ambayo wanahabari hawapo pichani waliweza kuonjeshwa uhondo huo."Kutokana na kuwa uchungu wa mwana aujuaye mzazi mimi mama yake Isha niko sambamba na mwanangu lakini pia bado ni mwajiriwa wa bendi ya Tanzania One Theatre TOT , hata Mkurugenzi wangu Mheshimiwa John Komba anajua.Hivyo nitakapo kuwa huru kutumbuiza na Isha nitafanya hivyo lakini kazi zangu zikinibana TOT wao wataendelea anamalizia kwa kusema hivyo mama huyu.

Thabit Abdul ambaye ni Mkurugenzi Mipango wa Mashauzi Classic pia ndiye mtunzi wa nyimbo za albamu mbili ya kundi hilo naye ameahidi makubwa licha ya kusema kwa sasa hawezi tena kupapasa kinanda kwa sababu mkono wake anauhisi hauko sawa sawa hivyo anasema kwamba kama ni ugonjwa wa hospitali atajaribu na kama ni mambo ya marogo pia atajitibu mashabi wake wasiwe na hofu.Thabit alionyesha mkono wake kwa wanahabari ambao ulionekana kulegea flani hivi maskini .Bongoweekend linakuombea upate nafuu uli uendelee na kazi yako ya kupapasa.