MTU MZIMA ABOUBAKAR BENZ BOZI BOZIANA AAHIDI MAKUBWA KATIKA MAONYESHO YAKE3

Aboubakar Benz Bozi Boziana pichani akiwa na waimbaji wake wa kike, mwenyewe amesema jukwaa bila wanawake halipendezi.

Bozi Boziana akifafanua jambo katika mkutano uliofanyika leo mchana Dar es Salaam.Hii itakuwa ni mara ya nne kwa mtumzima Boziana kuja hapa nchini ambapo amekiri kwa kusema kuwa nyimbo za Tanzania hazisikiki DRC na kuvuka mipaka ya mbali kwa sababu hakuna wasambazaji wanaouza kazi za Watanzania hivyo amewashauri walikamate soko ili waweze kujitangaza.

Akizungumzia kuhusu utitiri wa bendi zinzzoundwa na wasanii kutoka DRC hapa nchini amesema wako hapa katika kutafuta masiha na kwamba Kongo kuna wasanii wengi na bendi nyingi nyingine hazisikiki.

Bozia ameahidi kukonga nyoyo za mashabiki huku akisema atawakumbushia enzi za miondoko ya Nzawise na kusisitiza kwamba anashangaa kuwa Watanzania bado wanazikumbuka nyimbo zake za zamani ilhali ana albamu zingine kadhaa mpya na kuitaja moja yenye jina la ‘Financial Crisis’ yenye ngoma 12 huku akizisifia kwamba zote ni moto wa kuotea mbali.

Aliongeza kwa kusema kuwa alishangazwa kuona kwamba hata alipokuwa katika ziara ya kimuziki nchini Zambia alikuta wanashabikia albamu zilizotoka mika minne nyuma.

Hapa Mzee Benz Boziana akiandika kwa ufasaha majina yake katika Note Book ya mwanahabari hayupo pichani.

Mwenyeji wa Bozi Boziana Asha Baraka akizungumza na wanahabari hawapo pichani wanaoonekana myuma ni baadhi ya wasanii wa bendi ya Twanga International. Akizungumza jana katika mkutano na waandishi, Mkurugenzi wa Kampuni ya The African Stars Entertainment Asha Baraka ‘Iron Lady’ ambao ndiyo waratibu wa ujio wa mwanamuziki huyo , alisema kesho (Alhamisi), Boziana na bendi yake ya Anti Chok watatumbuiza katika ukumbi wa Club Sun Ciro uliopo Sinza Dar es Salaam.
Siku ya Jumamosi atatoa burudani katika maskani ya bendi ya Twanga Mango Garden Kinondoni pamoja na wenyeji wao.
Asha aliongeza kwa kusema kuwa siku ya Jumapili kundi hilo litajivinjari katika viunga vya Leaders Club ambapo bendi ya Twanga International huwa inatumbuiza katika bonanza kila siku ya Jumapili.
Kiingilio katika maonyesho ya Club Sun Ciro na Mango Garden kitakuwa sh.10,000 na Leaders itakuwa sh 5,000.

Safu ya Wanenguaji wa bendi ya Twanga International hwakubaki nyuma nao walimwonyesha umahiri wao Mtumzima Benz Bozianaambaye alionekana kuwakodolea macho na kuachia tanasamu pama.