KISARAWE KUKATA KEKI YA BIRTHDAY YA DKT. SAMIA SULUHU HASSAN

Mkuu wa Wilaya ya Kisarawe Petro Magoti akizungumza kwenye mkutano na Waandishi wa Habari hawapo pichani kulia kwake ni Hakimu Mkazi Mkuu Mfawidhi wa Mahakama ya Kisarawe  Mhe.Emmy Amon Nsangalufu.

Kisarawe, Pwani

Mkuu wa Wilaya  ya Kisarawe  Petro Magoti  amesema  kuwa  maandalizi  yamekamilika  ya kusherehekea  siku ya mfanano wa tarehe  ya kuzaliwa rais Dkt.Samia Suluhu Hassan  ifikapo  tarehe 27  Januari  2025 

DC Magoti amesema hayo leo tarehe  22 Januari 2025 kwenye mkutano na Waandishi  wa habari uliofanyika  ofisini kwake .

"Kisarawe tumejipanga kusherehekea  'birthday" ya mama yetu mpendwa  hidari na  mchapakazi  pia tutakata keki na kusherehekea  pamoja na wananchi wa Kisarawe huku tukimuombea dua njema kwa Mwenyeezi Mungu azidi kumpa afya  na umri ili aweze  kulitumia taifa lake  "amesema DC Magoti.

Wakati huohuo amesema kuwa Januari 25 asubuhi  kutafanyika uzinduzi  wa  wiki ya sheria utakaofanyika kwenye uwanja wa Chanzige Wilayani  Kisarawe Mkoa wa Pwani ambapo huduma ya kisheria  itaendeshwa kwa juma moja huku kilele chake kitafanyika Februari mosi .

Huduma za Kimahakama zitafanyika kwenye Kata zote za Kisarawe  huku wananchi ambao wanakabiliana na migogoro  ya ardhi, mirathi, ndoa na mengineyo wamepewa wito wa kujitokeza kupata huduma hiyo adhimu.

"Huduma  hii ya kisheria itatolewa kuanzi saa moja asubuhi  hadi jioni" amesema DC Magoti.

Wakati  huohuo  DC Magoti ametoa onyo  kali kwa wazazi  hawawapeleki watoto  shuleni bila ya kuwa na sababu maalumu kwamba watashughulikiwa kwa mujibu wa sheria. 

Naye Hakimu Mkazi Mkuu Mfawidhi wa Mahakama  ya Kisarawe  Mhe.Emmy Amon Nsangalufu amesema  kuwa wiki ya sheria  itatolewa tarehe 25 hadi 31  Januari  mwaka huu pia kutakuwa na gari ambalo litakuwa mfano wa  Mahakama  inayotembea huku lengo likiwa kuwafikia wananchi na kuwapa huduma wanayostahili.

Nsangalufu ametoa wito kwa wananchi kuwa Mahakama  ni mali ya wananchi hivyo waitumie kwa manufaa yao  na siku ya uzinduzi  wataanza na maandamano asubuhi  kwenda kukutana Uwanja wa Chanzige.

" Tumejipanga kuwafikia wazee na watu wote wasiojiweza ndani ya kata zote  17 tutakuwa na gari pamoja na Mawakili wabobevu katika kutatua shida zao" amesema Nsangalufu.