DUDU BAYA AIBA SIMU YA 'PEDESHEE ' TWANGA PEPETA

:

MSANII nguli  wa muziki wa kizazi kipya  nchini ‘Bongo Flava’ aliyewahi  kutikisa  na vibao vya ‘Nakupenda tu’, ‘Mwanangu Hunanidhamu’ , ‘Ni saa ya kufa kwangu’ na ‘Umeondoka’ Geofrey Tumaini a.k.a ‘Dudu Baya’ pichani kulia mwishoni mwa wiki Jumamosi Machi 14  alijikuta kwenye wakati mgumu  baada ya kunaswa akiiba simu .

Tukio hilo  la fedheha  lilitokea  usiku  wa Jumamosi kwenye ukumbi wa Mango Garden , Kinondoni Jijini Dar es Salaam , ambapo msanii huyo  galacha  licha ya kuwa mbabe lakini alijikuta akilainika na kuinamisha kichwa chini kutokana na kukutwa na simu  ya ‘Pedeshee’ Fredito Mopao.

Dudu Baya ambaye  alikaribishwa kwenye meza  ya Mopao na Mpambe  mkubwa wa Mopao anayefahamika  kwa jina la John Cena , alikaa  hapo huku wote  wakifurahia  ofa zilizokuwa  zikitolewa  na Mopao  lakini haikufahamika ni muda upi  msanii huyo alikwapua simu.

Wakati Mopao alipotaka kuondoka ukumbini hapo ndipo

aliposikika aking’aka simu yake aina ya Samsung Note4 iko wapi.Wakaanza kuulizana taratibu katika meza ile lakini hakupata jibu lililoeleweka akaanza kuchachamaa kuidai .

Wakato Mopao ‘akikoroma’  ndipo  mtu mmoja alimshuku msanii huyo na kusema wamsachi miguuni na ndipo simu hiyo ikakutwa imefichwa kwenye soksi.

Wadau mbalimbali na mashabiki  pamoja na Mopao mwenyewe walitaka kumuangushia kichapo lakini wengine wakatumia busara na kumwacha msanii huyo akibaki kaduwaa kwa aibu.

Mkurugenzi Mtendaji wa bendi ya Twanga Pepeta Asha Baraka amesema amesikitishwa sana na kitendo hicho kwani Dudu Baya alipokelewa kwa heshima zote kama msanii.

“Dudu Baya ni msanii mkongwe hivyo hatukutarajia kabisa kama angeweza kufanya kitendo cha fadhaa kama kile hii yote ni tamaa walizonazo wasanii inasikitisha, nina imani kubwa hata John Cena aliamua kumpeleka katika meza ile maalum ya Mopao kutokana na heshima yake na mchango mkubwa alioutoa katika muziki wa kizazi kipya katika sanaa lakini sasa amejiharibia”alisema Asha.

Reply, Reply All or Forward | More