RAIS MSATAAFU ALI HASSAN MWINYI ATEMBELEA MIRADI MITATU YA NSSF AWAMWAGIA SIFA

Mkurugenzi wa Shirika la Hifadhi ya Jamii NSSF, Ramadhan Dau (kushoto ) akimueleza jambo Rais Mstaafu wa Awamu ya Pili , Alli Hassan Mwinyi aliyesimama katikati ni Waziri wa Kazi na Ajira Gaudensia Kabaka .(PICHA ZOTE NA MICHUZI MEDIA GROUP)

Sehemu ya ujenzi wa nyumba ukiendelea Dege Kigamboni.

Kutoka kulia ni Rais Mstaafu wa awamu ya pili Alli Hassan Mwinyi akiingia katika moja ya ofisi katika daraja la Kigamboni akifuatiwa na Mkurugenzi wa NSSF, Ramadhan Dau na Waziri wa Kazi na Ajina Gaudensia Kabaka.

Injinia Karim Mataka akitoa amelezo kwa rais Msataafu .

Mkurugenzi wa Shirika la NSSF , Ramadhan Dau akimkaribisha Rais Mstaafu na katika ofisi zilizopo kwenye mradi wa daraja la Kigamboni ambako alipata amelezo juu ya ujenzi wa daraja hilo litakaokamilika Julai mwakani.

Hivi ndivyo kitakavyokuwa muonekano halisi wa ECO Village.

RAIS Mstaafu wa awamu ya pili Alli Hassan Mwinyi ameumwangia sifa uongozi wa Shirika la Hifadhi ya Jamii nchini NSSF, kwa kuwa wabunifu katika kubuni miradi yenye ubora ambayo inaendeleshwa katika maeneo ya Kijichi na Kijiji cha Dege (Dege Eco Village), kilichopo Kigamboni Jijini Dar es Salaam.

Mwinyi aliyasema hayo jana Jumamosi alipotembelea miradi hiyo kwa mara ya kwanza ambapo alionekana kuvutiwa sana na kusema “Nimeshukuru kupata nafasi hii ya kutembea miradi mitatu ya NSSF kuanzia ujenzi wa daraja la Kigamboni , ujenzi wa nyumba za Kijichi na kijiji cha Dege wallah nimesikia raha” alisema Mwinyi.

Aliongeza kwa kusema kuwa anawapongeza NSSF kwa kuwa na fikra yakinifu ambazo zimezaa matunda ya kujivunia katika serikali , ni jambo la fahari kwa nchi yetu kwani haya ndiyo amendeleo ambayo tuliyokuwa tunayaota siku zote.

Mwinyi aliongeza kwa kusema kuwa ifike wakati watanzania waachane na maisha ya kuishi kinyonge na katika nyumba ambazo ni za kimasikini na zisizokuwa na hadhi ya kuishi binaadamu.

Nina imani kubwa kwamba ipo siku watu wanaoishi Manzese, Buguruni na kwingineko watahama na kuhamia katika nyumba za bei nafuu za mradi huu wa Dege na Kijichi na haya ndiyo maendeleo yenyewe.

Aidha alisema kwamba tofauti iliyopo katika nyumba hizo ni bei na gharama hivyo mtu ataweza kuishi kwa nyumba ambayo ni kubwa ama ndogo ya kiasi cha familia anayohitaji .

“Narudua tena kuwa nawapongeza viongozi wa NSSF wakiwa chini ya Mkurugenzi wao Ramadhan Dau kwa kuwafikiria yaliyomema Watanzania waliowengi kwa kujenga nyumba zaidi ya 7,000 pia nawaombea maisha marefu na yenye afya njema”, ifike wakati Watanzania wote waishi katika hali ya maisha ya kufanana hasa katika makazi na tofauti itakuwepo katika kipato cha kila mmoja tu na siyo mahali pa kuishi” alisema Mwinyi.

Akiuzungumzia mradi wa daraja la Kigamboni alisema kwamba jana ndiyo ilikuwa mara yake ya kwanza kwenda kutembelea mradi huo na kuahidi kuwa katika mstari wa mbele katika kuchangia hasa kwenye ulipaji katika kuvuka pindi kivuko hicho kitakapokamilika Julai mwakani.

Alimalizia kwa kusema kuwa anakumbuka wakati alipokuwa madarakani aliweza kutembelea nchi ya Netherlands ambako walikuwa waking’oa madaraja yao nay eye akapafikiria sana Kigamboni lakini alipowaomba madaraja ili wampe pamoja na wajenzi wao wakamwambia kuwa alichelewa kwa sababu walikwisha yagawa madaraja hayo kwa makoloni yao hivyo anaona ujenzi wa daraja hilo umetimiza njozi yake.