TIKETI ZA REDDS MISS TANZANIA ZAANZA KUUZWA

Mshindi wa taji la Talent Redds Miss Tanzania  Clement aliyekaa katikati katika picha ya pamoja na warembo aliowashinda katika shindano hilo.(Picha na Francis Dande)

VITUO vya kuuza tiketi za Redds Miss Tanzania vyatangazwa.

Hayo yalisema Jumamosi iliyopita Septemba 14 usiku na Mkuu wa Itifaki swa shindano hilo pendwa katika shindano la kumsaka mrembo mwenye kipaji (Miss Tanzania Talent Show 2013) lililorindima katika ufukwe wa hoteli ya Giraffe View Mbezi Beach jijini Dar es Salam.

Akiwa juu ya jukwaa Makoye alisikika akitangaza maeneo ambayo tiketi hizo zitapatikana ni pamoja na Maduka maarufu jijini Dar es Salaam yanayouza vipodozi vya wanawake Shearillusion yaliyopo maneo ya  Mlimani City, Millenium Tower na Mbezi.

Aidha maeneo mengine ni pamoja na Faback Fashion  Mikocheni kwa Mwalimu Nyerere , Steers na Rose Garden.

Kiingilio cha kwenda kumshuhudia mlimbwende wa mwaka huu ni sh.100,000 na 50,000.

Wakati huohuo mrembo aliyekuwa amevalia namba  18 Prisca Clement kutoka Kanda ya Kinondoni aliweza kuibuka mshindi wa shindano la Redds Talent Miss Tanzania 2013.

Kwa ushindi huo Prisca moja kwa moja ameingia katika warembo 15 bora wa Redds Miss Tanzania mwaka huu.

Prisca aliweza kuonesha umahiri wa kucheza na muziki huku ukiwa na mahadhi ya kiafrika sambamba na kucheza na moto akiula bila ya kungua jambo ambalo lilivitia watu na kushangiwa kwa muda wote aliokuwa jukwaani.

Baadhi ya warembo wengine waliopanda jukwaani lakini bahati haikuwa yao waliweza kucheza katika miondoko mbalimbali ya muziki kama vile twist, miondoko ya Kanda Bongoman,kihindi, yupo aliyejaribu kucheza kama mwanamuziki wa kufokafoka , yupo aliyeigiza kucheza na kuvaa kama Michael Jackson, Monica Seca na wengineo wengi.

Shindano hili litafanyika Septemba 21 kwenye ukumbi wa Mlimani City jijini Dar es Salaam ambapo msanii nyota na wakimataifa atapamba onesho hili pamoja na wasanii wa hapa nyumbani.

Mwisho

Shindano la Redds Miss Tanzania limeandaliwa na Kampuni ya Lino International Agency ikiwa chini ya Mkurugenzi wake Hashim Lundenga  na kudhaminiwa na ,kinywaji cha Redds Original, Marie Stopes, IPP, Star TV,Hoteli ya Giraffe View ambako warembo wamekuwa wakiweka kambi kwa mwaka wa 10 sasa.