BOB JUNIOR KUACHIA KAZI MPYA

 

Na Elizabeth John

BAADA ya kufanya vizuri na kazi yake ya ‘Kimbiji’, msanii wa muziki wa kizazi kipya nchini, Rahim Rummy ‘Bob Junior’, anajipanga kuisambaza kazi yake mpya hivi karibuni.

Mbali na Kimbiji, mkali huyo alishawahi kutamba na ngoma zake kama ‘Nichuum’, ‘Oyoyo’ na nyinginezo, ambazo zilimtambulisha na kufanya vizuri katika tasnia ya muziki huo.

Akizungumza na Tanzania Daima jijini Dar es Salaam jana, Bob Junior alisema yuko katika maandalizi ya kuisambaza kazi hiyo ambayo hajataka kuitaja jina.

“Unapotaja jina kabla haujasambaza, kuna baadhi ya watu wanakuwa wanachukua mawazo yako na unapoisambaza yako, kinakuwa sio kitu kipya, hivyo nitakapoisambaza kila mmoja ataijua jina,” alisema msanii huyo ambaye pia ni mtayarishaji wa muziki huo.

Alisema kazi hiyo ataisambaza pamoja na video yake kwa lengo la kuwapa radha kamili mashabiki wake.