REDDS MISS TANZANIA 2012 AANZA KAZI RASMI AENDA MKOA WA KAGERA KWA KAZI ZA JAMII.

REDDS Miss Tanzania 2012 Brigitte Alfred ameondoka jijini Dar es Salaam, leo tarehe 12 Desemba 2012 kuelekea mkoani Kagera kwa shughuli za Jamii.

 Mrembo huyo wa Redds Miss Tanzania, akiwa mkoani Kagera atatembelea Shule maalum ya Mugeza Mseto, inayofundisha wanafunzi wenye ulemavu, pia atatembelea Kituo cha Nusura ambacho kinatunza watoto yatima.

Mrembo Brigitte Alfred, ambaye pia ni Balozi wa Walemavu wa ngozi, [Albinos] atatoa misaada ya kijamii katika vituo hivyo. Vifaa hivyo ni pamoja na Fimbo maalum za kutembelea walemavu wasioona, Miwani, Kofia na Madawa ya ngozi kwa ajili ya Walemavu wa ngozi. Pamoja na vyakula.

Redds Miss Tanzania 2012 pia atatembelea Wilaya ya Misenyi na kutoa misaada kama hiyo katika kituo kimoja kilichopo wilayani humo.

Ziara ya Miss Tanzania 2012 imedhaminiwa na Optima Lodge & Safaris pamoja na Victoria Perch Hotel zote za Mkoani Kagera.

Kabla ya kurejea jijini DSM Redds Miss Tanzania 2012 ataelekea Mwanza kwa shughuli zingine za kijamii.