TAARIFA KWA VYOMBO VYA HABARI JUU YA MGOGORO NDANI YA YANGA

Ndugu Wanabahari na Wanachama wa YANGA
Sisi Wanachama wa YANGA kupitia TAWI LA UHURU tunapenda kuujulisha umma wa WANA YANGA ya kuwa, Kwanza kabisa tuliapa baada ya kuzinduliwa kwa Tawi letu kuwa TUTAIFATA NA KUISIMAMIA KATIBA YETU YA YANGA kwa mujibu ya katiba. Ndugu Wanahabari, mgogoro huu kwa kiasi kikubwa unachangiwa na baadhi ya Wanachama kwa kutofuata Katiba ama kwa kutojua kuitafsiri Katiba au makusudi kutaka kuupotosha umma wa WANA YANGA kwa maslai yao.

(i)     Kwa mujibu ya Katiba yetu iliyopitishwa na Wanachama wa YANGA tarehe 17/06/2010  na kuidhinishwa na msajili wa Vyama Vya Michezo tarehe 15/07/2010.Hakuna kipengele chochote ndani ya Katiba yetu kinachotambua uwepo wa Baraza au Kamati ya Wazee na Vijana ndani ya Club ya YANGA kwa mujibu wa Katiba. Ila kama Wanachama wa  YANGA tunatambua uwepo wa Wazee, Vijana na kina Mama ndani ya YANGA na tunaeshimu na kuthamini michango yao ndani ya YANGA

(ii)   Kwa mujibu wa Katiba ya YANGA, Ibala ya 33, Kipengele cha 3.
a)  Mwenyekiti ndiye Kiongozi wmkuu na pia msemaji mkuu wa Club.
(b)   Pia ndiye mwenye Mamlaka ya kuitisha mkutano mkuu na mkutano wa Kamati ya Utendaji.

 Ndugu Wanahabari na Wanachama wa YANGA
Je! ni wapi Katiba yetu imeelekeza kuwa Kikundi au Mwanachama ana mamlaka ya kuitisha mkutano?  Kwa mujibu wa Katiba hakuna.

Ndugu Wanahabari na Wanachama wa YANGA      

Ibala ya 22 ya Katiba yetu ya YANGA ndio kimbilio la Wanachama kwa kumtaka Mwenyekiti kwa kushirikiana na Kamati ya Utendaji kutuitishia mkutano mkuu wa dharula kama ibala hiyo ya 22 kipengele cha (ii) kinavyosema na nanukuu:- “Endapo angalau ½ ya wajumbe (Wanachama) wamewasilisha ombi kwa Kamati ya Utendaji na kwa maandishi, Kamati ya Utendaji itawajibika kuitisha mkutano mkuu wa dharura katika kipindi kisichozidi siku 30 baada ya kuwasilishwa kwa ombi hilo”  Mwisho wa kunukuu, na Kipengele cha (iii) Kinasema Wito wa mkutano hauna budi kupelekwa angalau siku 15 kabla ya mkutano na kipengele cha (iv) cha ibala hiyo hiyo ya 22 kinaelekeza Ajenda na nyaraka nyingine muhimu zitapelekwa kwa wajumbe angalau siku 7 kabla ya mkutano”.

Ndugu Wanahabari na Umma wote kwa ujumla

Kilichofanywa na baadhi ya Wanachama wenzetu siku ya terehe 20/05/2012 ni UHUNI na Upotoshaji mkubwa wa Katiba yetu.  Hapa ndipo wana YANGA wanatakiwa kuwa macho na baadhi ya Wanachama wenzetu kwani wanania ya kuturudisha tulipotoka.  YANGA ni taasisi kubwa yenye Wanachama wengi makini kwani kwa sasa tuna Wanachama zaidi ya Elfu kumi na mbili (12,000) ambao hatuwezi kuamliwa au kuyumbishwa na Wanachama wachache.

Ndugu Wanahabari na Wanachama wa YANGA

Sisi Wanachama wa YANGA TAWI LA UHURU tunawakanya wale wote ambao kwa maslahi yao wanataka YANGA isitawalike na tunawaambia tena TUTAILINDA KATIBA YETU YA YANGA kwa nguvu zote.

 Ndugu Wanahabari na Wanachama wa YANGA

Sisi Wanachama wa YANGA TAWI LA UHURU tunaamini matatizo au migogoro ya YANGA itamalizwa kwa kufuata Katiba yetu na kwenye vikao halali na ukiona mtu ataki vikao halali ujue ana matatizo au maslai yake binafsi na si ya YANGA.

 TAWI LA YANGA UHURU TUNASEMA “HATUNA ADUI WA KUDUMU WALA RAFIKI WA KUDUMU TUTAPAMBANA KUILINDA KATIBA YA YANGA KWA MASLAHI YA WANA YANGA”.

 Mwisho Wana habari, Tawi la YANGA UHURU TUNAUNGA mkono mapendekezo ya Ndugu yetu na aliyekuwa mfadhili wetu Ndugu YUSUFU MANJI kwani tunaamini yana maslahi kwa YANGA ukizingatia Katiba yetu ibala ya 56 inatamka wazi uwepo wa KAMPUNI YA UMMA kwani tunaamini njia pekee ya YANGA kujitegemea ni kujiendesha zaidi kibiashara kwani tumejiendesha hivi kwa miaka zaidi ya 70 hakuna chochote zaidi ya migogoro tunawashauri Wanachama wenzetu na hasa Vijana tubadilike ili kizazi kijacho kituhukumu kwa mema tutakayoifanyia YANGA na tuifanyie kazi kauli mbiu yetu ya DAIMA MBELE, NYUMA MWIKO.  Wanachama wenzetu hasa Vijana tuache migogoro tuisadie YANGA kimaendeleo na mwisho Vijana wenzetu tusitumike kwa migogoro, Je, nasi tukizeeka tuwe Wazee wa Migogoro, Tunawaomba tudumishe Amani na Maendeleo kwa Maslahi ya YANGA.

Ahsanteni,

DAIMA MBELE, NYUMA MWIKO

SULTAN BAKARI

KATIBU WA TAWI LA UHURU
23/05/2012.