MAYA KUUZA SURA NA DJ CHOKA NGOME YA LUMOLE

Msanii nyota wa filamu nchini Mayasa Mrisho wa kwanza kulia maarufu kama Maya akiwa na mcheza filamu anayekuja juu Kajala, anatarajiwa kung'ara kwa sana na DJ maarufu jijini Dar es Salaam DJ Choka ndani ya filamu mpya ya Ngome ya Lumole ambayo wameigiza kwa pamoja na mtaalam wa fani Lulole Matovolwa 'Biggie'.

Akiongea jijini Dar mwishoni mwa wiki iliyopita, Meneja wa kampuni ya Kiumbe Productions iliyoratibu na kutengeneza filamu hiyo, Hussein Makatta amesema kuwa filamu hiyo ya kisasa kabisa itaingia madukani mwezi ujao (Januari 2012).

Makatta amesema kuwa, filamu hiyo yenye maudhui ya utapeli, dhuluma, mapenzi na mikasa mbalimbali imebebwa na matukio mmachafu ya Mchungaji Lumole (Biggie) ambaye anaongoza kanisa huku akiendesha kundi la maharamia ambao wanateka watu na kudai pesa ili wawaaachie.

"Filamu yetu ni ya aina yake, imezingatia mambo mengi ya msingi ya kuifanya filamu kuwa bora, tumeitengezea mkoani Mtwara kwa asilimia tisini na chache hapa Dar, nina hakika itafanya vizuri sokoni na kuacha kumbukumbu nzuri kwa watakaoinunua na kuiangalia," akasema Makatta.