SIKINDE KUTAMBULISHA MAJALIWA IDD MOSI

BENDI ya muziki wa dansi ya Mlimani Park Orchestral ‘Sikinde Ngoma ya Ukae’, inatarajiwa kusherehekea sikukuu ya Idd el Fitri, kwa onyesho maalum la kumtambulisha mwimbaji wake mpya Shukuru Majaliwa.Meneja Mawasialino na Habari wa bendi hiyo Jimmy Chika, alisema jana kuwa, Onyesho hilo litafanyika kwenye ukumbi wa DDC Kariakoo, jijini Dar es Salaam, ambapo pia mashabiki watapata wasaa wa kuzisikia nyimbo mpya za bendi hiyo.Alizitaja nyimbo hizo kuwa ni pamoja na ‘Jinamizi la Talaka’, ‘Deni Nitalipa’ na ‘Mihangaiko ya Kazi’ zilizotungwa na Hassan Rehan Bitchuka na ‘Kinyonga’ utunzi wa mwanamuziki wao mpya Athumani Kambi pamoja na ‘Fadhili ya Punda’ utunzi wa Majaliwa.“Katika kusherehekea sikukuu ya Idd el Fitri, Sikinde tutatumbuiza kwenye ukumbi wa DDC Kariakoo, hivyo wapenzi na mashabiki wetu wahudhurie,” alisema Chika.Aliahidi burudani ya uhakika akisema kwa kuwa wanataka wawathibitishie wapenzi wao kuwa bendi yao kwa sasa iko juu na kwamba walijijifua vya kutosha wakati wa mfungo wa mwezi mtukufu wa Ramadhani.