MR. NICE KAENDA KUOSHA NYOTA KAHAMA

Msanii wa miondoko ya Takeu Lucas Mkenda ‘Mr. Nice’ akiwa na bendi yake ya ‘Bush Band’ ameingia mafichoni ambapo anajiwinda na utambulisho na bendi yake.

Akizungumza kwa njia ya simu kutoka Kahama walikopiga kambi Mr. Nice alisema hivi sasa yeye na kundi lake wameingia kambini ambapo watadumu kwa wiki tatu.

Mr. Nice alisema kwamba amepata wanamuziki wapya ambao wamejiunga na bendi hiyo wakitoka katika bendi mbalimbali zenye majina za Jijini Dar es Salaam.

Aliongeza kwa kusema kuwa maonyesho yote ya bendi hiyo yamesitishwa kwa muda wote watakapokuwa kambini.

“Tunatarajia kufanya onyesho kubwa la utambulisho wa wanamuziki wapya baada ya kuvunja kambi ambapo pia onyesho hilo limepangwa kufanyika katika Klabu Masai ya Jijini Dar es Salaam” alisema Nice.

Aliongeza kwa kusema kuwa wasanii na wanamuziki wenye majina wa ndani na nje ya nchi wataalikwa siku hiyo.

Pia watatambulisha wimbo wao mpya unaokwenda kwa jina la ‘Dunia Hadaa’ na kusema kwamba wimbo huo utaacha gumzo kutokana na kwua na mistari yenye vina na kina.