REDD’S Miss Tanzania 2012
-2013, Brigitte Alfred akifafanua jambo kulia kwake ni Mkurugeni wa Kampuni ya Lino International Agency , ambao pia wanaratibu shindano hilo kwa mwaka wa 20 sasa , Hashim Lundenga, na kushoto ni Mkuu wa Itifaki Albert Makoye.
REDDS Miss Tanzania 2013 ambaye pia amefanikia kushika nafasi ya tatu katika
shindano la Mrembo na Malengo (Beauty With a Purpose) wakati wa kuwania taji la
dunia (Miss World) mwaka huu shindano lililofanyika nchini Malaysia.
Brigitte alisema hayo leo asubuhi katika mkutano na waandishi wa habari uliofanyika jijini Dar es Salaam mkwamba
aliweza kushinda nafasi hiyo kupitia kazi zake za kijamii ambazo alifanya kwa
kipindi cha mwaka mmoja ambapo aliweza kufanya mambo mbalimbali kwa watoto
wenye ulemavu wa ngozi (Albino).
"Video yangu ya kazi
mbalimbali za kujitolea kwa kipindi cha mwaka mmoja ndizo zilizonifikisha
katika nafasi hii kuku nafasi ya kwanza ikinyakuliwa na mrembo wa Nepal nay a
pili kwenda kwa Miss Australia" alisema.
Kwa ushindi huo mrembo
huyo amewashukuru Watanzania kwa kumuunga mkono kwa kipindi chote alichokuwa
akishikilia taji hilo.
Brigitte alifanikiwa
kushika nafasi hiyo katika shindano hilo, ambalo lilishirikisha warembo zaidi
ya 190 kutoka nchi mbalimbali duniani, ambalo lilikuwa mahususi kwa warembo
kuonyesha kazi walizofanya kwa jamii katika nchi wanayotoka.
Mrembo huyo alionyesha
jinsi alivyosaidia kwa kiasi kikubwa kutoa msaada kwa watu wenye mahitaji
maalumu hasa wale wenye ulemavu wa ngozi.
Akizungumzia kuhusu
shindano la dunia alisema, lilikuwa na
changamoto nyingi na anaamini ni lazima Watanzania wajivunie mafanikio ambayo
yamefikiwa mpaka sasa katika mashindano hayo ya dunia.
Mafanikio makubwa zaidi
ambayo Tanzania iliwahi kuyapata ni kwa aliyekuwa Miss Tanzania 2005 Nancy
Sumari alipofanikiwa kutwaa taji la Miss World Africa na kuwemo katika tano
bora za warembo wa shindano hilo.
“Napenda kutoa shukrani zangu za dhati kwa Kamati ya Redd’s Miss Tanzania,
wazazi wangu, vyombo vya habari, Serikali na Watanzania kwa ujumla kwa kuniunga
mkono kwa kipindi chote hicho.
“Kusema kweli sina cha
kuwalipa na naahidi nitaendelea kushirikiana na kamati hii katika kuhakikisha
Tanzania inafanya vyema zaidi katika mashindano ya dunia siku za baadaye,”
alisema.
Wakati huohuo Mkurugenzi
wa Kampuni ya Lino International, Hashim Lundenga ambao ndio waandaaji wa
Redd’s Miss Tanzania alisema, wanajivunia kwa kiasi kikubwa mafanikio
yaliyofikiwa na Brigitte katika mashindano hayo.
“Kwetu tunachukua fursa
hii kuyaomba makampuni au taasisi mbalimbali kujitokeza kudhamini mashindano
haya kwani ni muhimu zaidi kwa ustawi wa Taifa,” alisema.
Taji la Redd’s Miss
Tanzania kwa sasa linashikiliwa na Happiness Watimanywa ambaye alifanikiwa
kulitwaa hivi karibuni.
Shindano la Redd’s Miss
Tanzania linadhaminiwa na kinywaji cha Redd’s Original kinachozalishwa na
kusambazwa na Kampuni ya Bia Tanzania (TBL).
.jpg)
0 Comments