EAST AFRICA RADIO , TV NA VODACOM KUWALETA P SQUARE NCHINI

 Kutoka kushoto ni Mratibu wa ziara hiyo Hillary Daudi a.k.a Zembwela akiwa na Mkuu wa  Kitengo Cha Mawasiliano na Udhamini Vodacom   Calvin Twissa.

Mratibu wa ziara hiyo  Hillary Daudi a.k.a Zembwela  katika mkutano na waandishi wa habari hawapo pichani leo(PICHA ZOTE NA BONGOWEEKENDBLOGSPORT.COM)

KUNDI la wasanii nyota duniani la P-Square wanatarajiwa kufanya ziara  na onyesho kubwa jijini Dar es Salaam imefahamika.

Wasanii ambao ni mapacha huku majina yao halisi ni Peter  na Poul Okoye watapiga shoo ya aina yake  Novemba 23 mwezi ujao jijini Dar es Salaam katika eneo litakalotangazwa baadaye.

Akizungumza leo na waandishi wa habari Mratibu wa ziara hiyo kutoka kituo cha luninga cha East Africa (EATV), Hillary Daudi ‘Zembwela’alisema taratibu zote muhimu za ziara hiyo zimekamilika.

Zembwela aliongeza kwa kusema kuwa kuwa kundi hilo litakuja na wasanii  wao 13 ambao watapiga shoo ‘Live’, siku hiyo itakuwa ni ya kihistoria katika muziki wa kizazi kipya hapa nchini. 

Ziara ya wasanii hawa mapacha inaratibiwa na kwa ushirikiano wa EATV pamoja na kituo cha TV cha East Africa na kudhaminiwa na Kampuni kubwa  ya simu nchini Vodacom. 

“Lengo kubwa  la kuwaleta wanamuziki hawa wanaoongoza kwa umaarufu  kila kona duniani   kwanza ni kutoa burudani  lakini  kingine  kikubwa  ni kuja kutoa somo  kwa wanamuziki wetu hapa nchini namna ambavyo muziki unaweza  kufanyika  katika hali tofauti na walivyozoea”.  

Akizungumzia ziara hiyo Mkuu wa Kitengo Cha Mawasiliano na Udhamini  Calvin Twissa  wao kama wadhamini wanajipanga kutoa tiketi za bure hivyo kazi kwa watumiaji wa Vodacom kwani watatangaziwa namna ya kupata tiketi za bure kwenda kuwashuhudia vijana hao machachari Psquare. 

“Vodacom tunajivunia kuleta kundi hili la wanamuziki  wenye jina kubwa duniani , mtakumbuka juzi tulisaini mkataba mnono na Naseeb Abdul ‘Diamond’ kupitia kibao chake cha Number One hivyo tunaahidi kufanya kazi na wasanii wengine wengi wa hapa nyumbani” alimalizia Twissa.