LISA JENSEN AINGIA TOP 10 YA TOP MODEL MISS WORLD 2012

MREMBO anayeiwakilisha nchi ya Tanzania  katika mashindano  ya dunia,Lisa Jensen  ameanza vizuri katika masindano ya kumsaka mrembo wa dunia 'Miss World 2012'  kwa kufanikiwa  kuingia katika kumi bora katika shindano la awali la Top Model , hatua ambayo itamwekea rekodi nzuri na kumpa alama  kabla ya kufanyika kwa fainali za shindano hilo.

Jensen yuko nchini Mongolia ambako ambako ndiko shindano hilo litafanyika.Ofisa Habari wa Miss Tanzania Hidan Ricco alisema jana kuwa mrembo huyo  ni kati wa warembo wengine watatu kutoka bara la Afrika  waliofanikiwa kupita katika shindano hilo ambapo wengine ni kutoka Afrika Kusini na  visiwa vya Shelisheli.

Shindano la Miss World limepangwa kufanyika Agosti 18 mwaka huu, Ricco ametoa wito kwa wadau wa urembo na Watanzania kumwombe Lisa ili aweze kutwaa taji hilo.