Pichani kutoka kushoto ni Waratibu wa kongamano maalum la kuwapa ufahamu wanawake Vida Mdolwa na Mtangazaji wa Kipindi maarufu cha Leo Teana kinachorushwa na kituo cha redio 88.4 Clouds FM Dina Marious akifafanua jambo katika mkutano na waandishi wa habari juu ya kongamano hilo.
Na Mwandishi Wetu
MWANASAIKOLOJIA Mbobevu nchini Aunt Sadaka anatarajiwa kuwatoa makandokando wanawake kadhaa ambao wamejitokeza katika hafla ambayio itawakutanisha wanawake kadhaa mashuhuri na wa kawaida wenye umri kuanzia 18 na kuendelea.
Akizungumza na waaandishi wa habari Mratibu wa Open Kitchen Party Gala Dina Marious alisema kongamano hilo ni maalumu limelenga kumuongezea mtoto wa kike mtazamo chanya katika maisha yake ya kawaida na yale ya ndoa.
"Hii imekuja kutokana na kwamba baadhi ya makabila na utamaduni wa mtanzania umekuwa ukimuandaaa pale binti anapotaka kuolewa jambo ambalo limepitwa na wakati kwani sisi tumepanga kumuandaa kiamisha zaidi pamoja na kuwapatia wanawake mbninu mbalimbali, na kuondoa imani ya kwamba mwanamke ni sawa na mtu duni hasa anapokuwa chini ya mwanaume"alisema Marious.
Aliendelea kwa kusema katika kongamano hilo watazungumza mambo mbalimbali huku akiwataja watoa mada wengien mbali ya Aunt Sadaka kuwa ni pamoja na waigizaji wakongwe kama Bi Chau, Bi Hindu na Mama Victor.
Kongamano kama hili litakuwa likifanyika mara moja kila mwaka hivyo tunatoa witi kwa wanawake wengi wajitokeze kwani hii ni nafasi yao ambapo watapata nasaha za kutosha kuhusu maisha ya familia kwa ujumla, bila kusahau kuwapatia ufumbuzi wa matatizo ya kisaikolojia ambayo yamewagubika kina mama wengi.
Hafkla hiyo imepangwa kufanyika katika ukumbi wa JB Belmonte kwa kiingilio cha sh.30,000 ambapo pia wamedhaminiwa na vinywaji vya Redd's na Coca Cola.Muimbaji Patricia Hilary atatumbuiza.
.jpg)
0 Comments