QUEEN SUZY NA G 7 WA FM ACADEMIA WATANGAZA NDOA

MNENGUAJI machachari na nyota katika muziki wa dansi  Susan Chubwa 'Queen Suzy' ambaye hivi sasa yupo katika bendi ya FM Academia ‘Wazee wa Ngwasuma’ juzi usiku (Jumatatu) alitolewa mahari na mwanamuziki wa bendi hiyo Aimer Chard Mwamba ‘G-Seven’.Akithibitisha hayo Meneja wa bendi ya FM Academia Kelvin Mkinga alisema kwamba walikwenda kutoa barua ya uchumba pamoja na kulipa mahari hivyo ndoa ya wawili hao itafungwa karibuni.

“Ndoa ni jambo la kheri hivyo tuko nao pamoja hadi mwisho wa safari yao huko wanakokwenda”alisema Mkinga.

Wakati huohuo alisema kwamba leo usiku bendi hiyo itafanya onyesho lake katika ukumbi wa Club Maisha kama kawaidaBaada ya hapo siku ya Alhamisi watapumzika wakivutia nguvu onyesho lao la Ijumaa litakalofanyika katika ukumbi way Freeland Resort Tabata, na Jumamosi watakuwa katika kiwanja chao cha nyumbani ukumbi way Kijiji cha Makumbusho na jumapili watakuwa katika bonanza la wastaarabu New Msasani Club.Bendi ya FM Acadaemia hivi sasa inatambulisha nyimbo zake mpya ambazo in ‘Ndoa ya Kisasa’ , ‘Fataki’, ‘Otilia’, ‘Dai chako ulaumiwe’ na ‘Chuki ya nini’.