Wasanii wa kundi la Survival Sisters ambalo linaundwa na wasanii watatu wakike wenye ulemavu wa viungo , wameamua kuvunja ukimya kwa ktoa donge lililowakaba mioyoni mwao kuwa wanabaniwa na baadhi ya vyombo vya habari ambavyo ni Luninga na Redio.Wamesema kuwa nyimbo zao hazipewi nafasi ya kutosha katika vituo hivyo vya Televisheni na Redio jambo linalowakatisha tamaa kurekodi kazi mpya.Kiongozi wa kundi hilo Irene Malecela amelonga kuwa tatizo linalowakabili katika kundi lao ni kukosa sapoti ya kutosha ya kazi zao jambo linalowafanya waendelee kuwa kimya na ujumbe uliomo katika nyimbo zao usiweze kuifikia jamii kwa haraka kama jinsi nyimbo za wasanii wengine zinavyo pewa kipaumbele.“Sisi katika kundi letu hatuna tatizo la kurekodi nyimbo zetu katika studio yoyote kubwa hapa nchini, tunaweza kurekodi nyimbo zetu hata kwa mkopo, lakini kutochezwa kwa nyimbo zetu limekuwa ni tatizo kubwa,”alisema Ametoa wito wake kwa Vyombo Vya Habari kutoa kipaumbele kwa nyimbo zao ili waweze kujipatia kipato cha kuweza kuendesha maisha yao kupitia sanaa ya muziki.
Wasanii wanaounda kundi hilo ni Latifa Abdallah ‘Lat G’, Lucy Samson ‘Sweet Sam’ na Irene Malecela.Wasanii hawa waliwahi kutamba na albamu yao ya ‘Yatima’ waliyo ifyatua mwaka 2008, iliyokuwa na nyimbo kali kama ‘Siyo siri’, licha ya nyimbo zao kubaniwa hivi sasa wanajipanga kutoka na nyimbo tatu mpya hivi karibuni ambapo tayari moja wamesha ipa jina la 'Baby Boy' .
.png)
.jpg)
0 Comments