BONGOWEEKEND

Kiongozi wa wanenguaji wa kike Lilian Internet wa kwanza kushoto akiwajibika jukwaani katika moja ya maonyesho ya bendi hiyo.

Kiongozi wa Bendi ya The African Stars Twanga Pepeta International Luiza Mbutu akiimba na Kalala Junior .

Aidha Madinda jukwaani.

Aisha Madinda akiwa na mdau wa bendi hiyo Muhidin Issa Michuzi.

Twanga yatoa live ya video.Bendi ya African Stars twanga pepeta imeiweka sokoni video yake ya live iliyochukuliwa ukumbini Mango Garden.Video hiyo ambayo ina ubora wa kiwango cha juu katika picha na sauti ina nyimbo takribani tano ambazo zote zinapatikana kwenye albamu ya mwana dar es salaam, nyimbo zilizomo kwenye live ya kwanza kusambazwa na Bendi hiyo ni Mwana dar es salaam ambao ulitungwa na Mwimbaji Charles baba, rafiki Mbaya uliotungwa na Rogart Hegga, Nazi haivunji jiwe ya Thabit Abdul ambaye kwa sasa hayupo na bendi, sumu ya mapenzi uliotungwa na Khalid Chokoraa na" Mwisho wa Ubaya ni aibu" uliotungwa na Saulo John au "Ferguson".Video ya live ya twanga imetengenezwa na kampuni ya sofia records na inasambazwa na kampuni ya usambazaji video za wasanii mbalimbali ya Wananchi.Katika kuendelea kujitayarisha na albamu ya 11 ya twanga pepeta, Twanga Pepeta wako jikoni kukiandaa kibao kipya cha Mwimbaji Rogart Hegga. Kibao hicho kitakuwa tayari kusikika baada ya wiki mbili ili kukifanyia mazoezi ya kutosha.Kibao hicho kinaelezea uhalisia wa Kauli zetu tuzitoazo kila siku kwamba zinaweza kujenga au kubomoa jamii na mambo mengineyo mengi.Twanga Kila jumatano wanapatikana Club Billicanas, Kila Alhamis wanapatikana Club Sun Cirro, ijumaa Hii wanapatikana Vatican City Sinza, Kila jumamosi wanapatikana Mango Garden Kinondoni na Kila siku za Jumapili mchana wanapatikana Leaders club Kinondoni kwenye Bonanza la kila Jumapili na usiku huwa wanamalizia kutoa burudani ya wiki T.C.C club Chang'ombe.