WASHINDI 15 CASTLE LITE KULA BATA KATIKATI YA BAHARI YA HINDI

Meneja msaidizi wa Castle lite Victoria Kimaro akizungumza na waandishi wa habari jijini Dar es salaam juu ya kupatikana kwa washindi wa shindano la bia ya castle lite Yatch party ambapo jumla ya washindi kumi na tano nchi nzima wamepatikana .Pembeni yake ni meneja wa bia ya Castle lite Geofrey Makau.

JUMLA ya washindi 15 wa shindano la Castle lite Yatch Party wamepatikana jleo asubuhi  na wanatarajiwa kuwasili jijini Dar Es Salaam muda wowote kwa ajili ya Tamasha kubwa la ndani ya bahari litakaloendeshwa na Kampuni ya Bia nchini TBL kupitia bia yake ya Castle Lite.

Akizungumza na waandishi wa habari jijini Dar Es Salaam  Meneja msaidizi wa bia hiyo Victoria Kimaro alisema kampeni ya kuwasaka washindi hao ilichukua takribani miezi mitatu ambapo iliendeshwa   kwa mikoa mine tu nchini.

Bia ya Castle Lite, inayozalishwa na kusambazwa na Kampuni ya Bia Tanzania (TBL) leo imefunga rasmi promosheni ya ‘Lite Up The Weekend’ ambayo imeendeshwa kwa muda wa miezi mitatu katika mikoa ya Mbeya, Mwanza, Arusha, Dar es Salaam.

Alisema  kwa kupitia bia hiyo waliweza kufanya promosheni huku lengo kuu lilikuwa ni kuwazawadia wateja wake na watanzania kwaujumla na kuwakutanisha pamoja na kufurahia kwa kuweza kusherekea kwa kushiriki katika tamashi hilo kubwa litakalofanyika katikati ya bahari ya Hindi sanjari na burudani mbalimbali zitakazokuwepo.

Makau aliwapongeza washindi hao na kuwataka kwenda kuwa mabalozi wazuri wa bia ya Castle Lite popote waendapo huku wakizingatia kwamba hii ndiyo bia pekee kuweza kuendesha shindano la kipekee kwa kuwashindanisha kistarabu wateja wake na hatimae kuweza kujishindia zawadi za fedha taslimu na kuhudhuria katika hili tamasha la kipekee.

Makau aliwataja washindi hao waliopatikana jana kuwa ni Issack Mngara, Josephine Nateya, Woinde Shizza, Salum Abdallah, Andoline  Mwakyonde na Sunday Maximillian.

Washindi wengine ni Maneno Frank, Tumaniel Moshi, YuvenalGilson, Hellone Misso, Samson Mwikwabe, Martin Lyanga, Sunday Magembe na John Bosco Mushi.

Akizungumza katika mkutano na waandishi wa habari  leo asubuhi Meneja Makau alisema anatoa pongezi  kwa wote kutokana  na kufikia tamati ya promosheni hii  na kuwapongeza washindi waliopatokana katika droo kubwa  nay a mwisho  ya kampeni hii .

Washindi hao pamoja na wenzi wao  watapata fursa ya kufurahia  wikiendi yao  kwa kupitia Castle Lite huku wakilipiwa gharama za usafiri , hoteli  chakula  cha jioni  na burudani katika Bar  ya kifahari  Jijini Dar es Salaam kadhalika washindi hao watazungushwa huku wakiwa ndani  ya boti  ambako kutafanyika pati kubwa  na ya aina yake huku wakiburudika kwa muziki na mwisho watashushwa  kwenye sherehe ya  kumalizia wikiendi ya VIP na Casltle Lite.

Aidha amewashukuru  watanzania wote kwa kujitokeza kushiriki  kwa wingi kwenye promosheni hii  iliyofanyika kwa muda wa miezi mitatu.