DOGO ASLAY KUTAMBULISHWA JUMAPILI TCC CHANG'OMBE

Pichani ni Dogo Aslay ambaye anatamba na wimbo wake unaotoa dose kwa kina baba.

Kiongozi wa kundi la TMK  Family  Saidi Fella (Mkubwa Fella) amesema Jumapili ijayo watafanya bonanza maalum la kumtambulisha msanii chipukizi anayebaba na wimbo wake wa 'NAKUSEMEA' Aslai Ishaka a.k.a Dogo Aslay katika bonanza litakalofanyika kwenye viwanja vya TCC Chang'ombe Jijini Dar es Salaam.

Katika utambulisho wa Dogo Aslay kutakuwa na wasanii wengine kama Sumalee anayetamba na ngoma yake inayodunda katika mtindo wa Kwaito 'Hakunaga', Kundi la Tip Top Connection, Diamond Platnaum nayeye atakuwepo pamoja na wasanii kutoka  TMK Academy.

Fella anasema Bonanza hilo limedhaminiwa na Clouds Media Group, Maduka ya pamba zinazokwenda na wakati TMK Shop na Mataga.

Kiingilio ni sh. 2,000 kwa watoto na sh. 5,000 kwa wakubwa.