Na Juma KasesaPambano la kirafiki la kusheherekea sikukuku ya mwaka kati ya mabondia Francis Cheka na Mada Maugo ambalo lilikuwa lifanyike mjini Morogoro sasa limehamishiwa jijini Dar es Salaam Januari Mosi katika Ukumbi wa (PTA).
Akizungumza na waandishi wa habari jijini Dar es Salaam leo Promota wa pambano hilo, Kaike Siraji, alisema, wameamua kuliahamishia pambano hilo jijini kwakuwa ni mahala ambapo wadau wote watapata fursa kushuhudia pambano hilo.
Alisema maandalizi yote kuhusu pambano hilo ambalo linatambuliwa na Oganaizesheni ya ngumi za kulipwa (TPBO) yamekamilika na mshindi wa pambano hilo atapatikana kwa njia halali na kuwataka mashabiki kujitokeza kwa wingi ili kupata burudani hiyo ya kuukaribisha mwaka mpya.
Kwa upande wake Kocha wa Cheka, Abdalah Komandoo, alitamba kuwa bondia wake atashinda kwa kishindo pambano hilo ili kuendeleza heshima ya Mkoa wa Morogoro huku Msemaji wa Maugo, Geofrey Obonyo akisema bondia wake amejiandaa vya kutosha ili kulinda rekodi yake ushindi.
.jpg)
0 Comments